Kuvendi i Aleancës autorizon Selën të definojë nesër listat e kandidatëve për deputetë

Kryetari i Aleancës për Shqiptarët, Zijadin Sela, sonte pas mbledhjes së Kuvendit Qendror, ka thënë se ai do të garojë në njësinë e gjashtë zgjedhore, ndërsa kryetari i Alternativës, Afrim Gashi, do të garoj në njësinë zgjedhore numër dy.
Sela tha se ata do të garojnë në njësinë zgjedhore, një, dy tre, pesë dhe gjashtë, ndërsa shqyrtohet mundësia për të nxjerr kandidatë edhe në zonën zgjedhore numër katër.
Për detaje lidhur me bartësit në njësitë tjera do të dihet nesër, tha Sela.
“Kuvendi qendror ka miratuar propozimet që kanë ardhur nga degët, të gjitha dhe më ngarkoi mua si kryetar partie që të përpiloj listën përfundimtare që do të dorëzohet nesër deri në ora 12 në KSHZ. Kjo ishte epilogu i takimit organit më të lartë të partisë”, tha Sela.