(VIDEO) Tragjedia në Rramanli flet Hasani: Dy pacient në gjendje kritike, njërin e humbëm mbrëmë

Drejtori i Qendrës Klinike për situata emergjente, Ilir Hasani ka kumtuar gjendjen shëndetësore të pacientëve të lënduar nga tragjedia në Rramanli. Hasani tha se gjendja e dy grave është shumë e rëndë. Ai tha se dje fatkeqësisht e kanë humbur njërin nga pacientët që u shtrua për kurim, raporton TV21.

“Për momentin, gjendja e dy grave është shumë e rëndë, janë në gjendje kritike, 80% i trupit të tyre është i djegur. Pacienti i tretë ka djegie afro 45% të trupit. Djegiet janë të shkallës së tretë apo të dytë’, tha Hasani duke shtuar se që të tre pacientët për momentin me frymëmarrje artificiale.