Përveç krerëve të të dy partive, bashkëpunimin mes tyre kanë filluar ta thellojnë edhe forumet rinore të Aleancës për Shqiptarët dhe Alternativës, përcjell in7.
Koalicioni mes këtyre dy subjekteve është drejt finalizimit, ndërsa në prag të nënshkrimit të të njëjtit, sot janë takuar kryesitë e forumeve rinore, për tu njoftuar rreth procesit dhe për të koordinuar aktivitetet në periudhën e ardhshme.
Një gjë të tillë në rrjetet sociale e ka bërë të ditur Omer Ajdini, Kryetar i FRASH’it.
“Takim njoftues dhe koordinues i Kryesisë së ngushtë të FRASH dhe Forumit Rinor të AlternAtivA.
Ndryshimin e duam dhe do e bëjmë së bashku”, ka shkruar Ajdini në rrjetin social Facebook, përcjell in7.
