Kryeministri Zoran Zaev ka dhënë dorëheqje nga posti i kryeministrit dhe të njëjtën e ka përcjellur në Kuvend ku duhet ta konstatojë kryeparlamentari Talat Xhaferi.
“Këtë mëngjes në orën 8.30 ishim në Qeveri. Nënshkrova dorëheqjen time, në përputhje me marrëveshjen dhe në bazë të Ligjit për Qeverinë. Besoj se dokumenti do të arrijë në Parlament shumë shpejt, në mënyrë që procedura të fillojë gjatë ditës për të mundësuar miratimin e qeverisë teknike”, tha Zaev.
Dorëheqja e kryeministrit Zoran Zaev ka arritur në Kuvend. Nga kabineti i Talat Xhaferit kanë njoftuar se tani të njëjtën do t’ja përcjellin presidentit Stevo Pendarovski i cili do të duhet ta ndajë mandatin kryeministrit të aedhëshëm teknik. “Pasi të na dërgojnë mandatarin e ri, do të caktohet seanca për caktimin e seancës”, kanë njoftuar nga kabineti i Xhaferit.
