Kryeministri Zoran Zaev, përmes profilit të tij në Facebook ka njoftuar se do të propozohet zgjidhje e re ligjore për ambasadorët me të cilin do të mbrohet shërbimi diplomatik në të ardhmen duke ju dhënë më shumë përparësi diplomatëve në karierë. Në këtë postim, Zaev gjithashtu ka publikuar të dhëna me të cilat ai thotë se në qeverisjen tre vjeçare të LSDM-së shumica dërmuese e ambasadorëve të emëruar kanë qenë diplomat në karierë, ndërsa shumë pak kuadro partiake.
“Propozojmë zgjedhje të re ligjore për ambasadorët, që do të mbrojë shërbimin diplomatik në të ardhmen, duke ju dhënë përparësi diplomatëve në karierë.
Nga viti 2017 deri më tani 87.5% e personave të cilët janë emëruar ambasador janë diplomat në karierë, 35 prej tyre janë profesionist, ndërsa vetëm 5 janë zgjidhje politike. Për dallim nga periudha 2006-2017, raporti mes zgjidhjeve profesionale dhe politike ka qenë 42.3% ose në realitet 33 në karierë (7 të punësuar pak para dërgimit) dhe 45 zgjidhje politike”, shkruan Zaev.
Edhe në 10 emërimet më të reja për në përfaqësitë diplomatike konsulare në vende të ndryshme të botës, Zaev thotë se janë përzgjedhur persona me përvojë të gjatë në diplomaci dhe në Ministrinë e Punëve të Jashtme.
