Në mbledhjen e sotme të këshillit të Komunës së Tetovës, këshilltarët e VMRO-DPMNE-së kanë kërkuar që nga rendi i ditës të hiqet pika e cila parashikonte ndërrimin e statusit të Komunës për shkak të ndërrimit të emrit të Komunës i cili nga Komuna e Tetovës, Republika e Maqedonisë do të ndërrohet në Komuna e Tetovës, Republika e Maqedonisë së Veriut. Përplasje rreth emrit të ri mes këshilltarëve të VMRO-DFPMNE-së dhe LSDM-së ka nxitur edhe reagimin e kreut të Komunës, Teuta Arifi, e cila këtë përplasje e ka cilësuar si tentim për pikë politike, që sipas saj nuk ka vend në Komunën që drejton ajo.
Kjo ka sjellë deri në braktisjen e punës s Këshillit nga ana e këshilltarëve të VMRO-DPMNE-së.
“Ne sot nuk marrim pjesë në këtë seancë ku nderohet emri kushtetues i Maqedonisë në dokumente dhe ju informoj se do e lëshojmë punimin e kësaj seance”, tha Aleksandar Veljanocvski VMRO.
“Turp kjo është turp për ju”, u shprehën këshilltarët e VMRO-DPMNE-së.
Ndërkohë edhe këshilltaret e LSDM-së shohin marketing politik në këtë siç shprehen ata skenar të kolegëve të tyre nga radhët e LSDM-së.
“S`është turp koleg unë nuk ju ndërhyra në fjalimin tuaj. Ky ishte fjalim politik për të fituar pikë, dhe nuk e kanë vendin këtu”, tha Anastasija Bllazhevska.
Ndërsa kryetarja e komunës në fjalë Teuta Arifi kërkoi që në Komunën e saj të debatohet për politikat dhe problemet lokale.
“Të gjitha tendencat në nivele lokale ku diskutohen politikat lokale, të përdoren për qëllime politike mendoj se nuk është e pëlqyeshme dhe as që iu ndihmon qytetarëve”, deklaroi Teuta Arifi. /Alsat/
