Në Shtëpinë e Armatës në Shkup sonte do të mbahet koncert trilateral pata festave të fundvitit, ku si orkestër e përbashkët do të interpretojnë pjesëtarët e orkestrave ushtarake nga armatat e Maqedonisë së Veriut, Shqipërisë dhe Kroacisë.
Në koncert, i cili këtë vit mbahet nën moton “Tingulli i bashkëpunimit, tingulli i Aleancës”, siç informojnë nga Shtatmadhoria e Armatës, do të interpretohen vepra të autorëve të njohur botëror, mes të cilëve edhe Meredith Uillson, Djuk Ellington, Naohiro Ivai dhe Dmitri Shostakoviç.
Koncerti do të transmetohet drejtpërdrejtë në servisin e parë programues të Televizionit nacional të Maqedonisë së Veriut me fillim në orën 20:00.
Në koncertin trilateral para festave të fundvitit pritet të marrin pjersë presidenti Stevo Pendarovski, kryeministri Zoran Zaev, ministrja e Mbrojtjes, Radmilla Shekerinska, gjeneral-nënkoloneli Vasko Gjurçinovski, disa ministra të Qeverisë, deputetë të Kuvendit, ambasadorë dhe përfaqësues të korit ushtarak-diplomatik, të akredituar në vend, përfaqësues të bashkësive fetare, gjeneralët aktivë dhe të pensionuar të Armatës, pjesëtarë të Ministrisë së Mbrojtjes dhe Shtatmadhorisë, pjesëtarë të të gjitha komandave dhe njësive të Armatës dhe mysafirë të tjerë.
“Ky është viti i dytë me radhë se si në prag të vitit të ri orkestra ushtarake e Armatës së Republikës së Maqedonisë së Veriut në frymën e bashkëpunimit me orkestrat e armatave nga rajoni mbajnë koncert të përbashkët njëorësh. Vitin e kaluar koncerti i përbashkët ishte me orkestrat ushtarake të Republikës së Bullgarisë dhe Malit të Zi”, kumtojnë nga Shtatmadhoria.
