Gjithsej 12 persona janë arrestuar në aksionet e fundit të policisë. Dy prej tyre janë privuar nga liria mbrëmë, njëri nga fshati Krushopek, për të vuajtur dënim me burg i kërkuar me fletarrest, ndërsa tjetri nga Shkupi pasi në shtëpinë e tij policia kishte gjetur 1.5 kilogram marihuanë, njofton Europort.mk. Gjatë aksionit të sotëm të realizuar në 34 lokacione tek 32 persona, MPB njoftoi se janë arrestuar 10 persona, që të gjithë nga fshatrat Gërçec dhe Haraçinë.
“Në bazë të urdhërave gjyqësor janë kryer kontrolle në 34 lokacione tek gjithsej 32 persona në vendbanimet Gjorçe Petrov, Gërçec, Hasanbeg, Haraçinë, Çair, Butel, Vizbeg, Bardovcë, Studeniçan dhe Qendër me qëllim sigurimin e dëshmive material që burojnë nga vepra të kryera penale. Gjatë kontrollit janë zbuluar dhe konfiskuar mjete transorti, pistoleta, pushkë, karikator, municion të kalibrit të ndryshëm, jelekë antiplumb, kompjuter të lëvizshëm, USB, pajisje për video mbikqyrje, telefona celular me sim kartela, para në monedha të ndryshme, materie pluhuri, lëndë me mbetje nga material pluhur dhe të ngjashme. Para dhe gjatë aksionit, për dyshime për involvim në vepra penale nga liria janë privuar fillimisht 10 persona F.L. 34 Gërçec, M.L. 38 vjeç Gërçec, E.P. 43 nga Haraçina, B.A. 34 Haraçinë, Sh.M. 28 nga fshati Haraçinë, Sh.M. 34 Haraçinë, K.L. 28 Gërçec, N.S. 56 nga fshati Gërçec, I.S. 29 dhe J.S. 30 vjet që të dy nga fshati Gërçec. Gjithashtu gjatë ndërmarjes së masave plotësuese para ndërmarjes së aksionit, gjatë natës së kaluar rreth orës 21:20 në rrugën “Jadranska” nga liria është privuar personi I.S. 27 nga fshati Krushopek për të cilin është dëshmuar se kërkohet me fletarrest për vuajtjen e dënimit me burg. Poashtu mbrëmë nga nënpunës policor është kapur dhe arrestuar edhe personi I.S. 27 nga Shkupi tek i cili parapraisht në shtëpinë e tij në rrugën “Rilindja maqedonase” janë gjetur 1.5kg marihuana”, deklaroi Suzana Pranjiq Talevska, shefe e sektorit për informata në MPB.
Talevska konfirmoi se një pjesë e të arrestuarve janë pjesë e incidentit të armatosur ditë më parë në Aleksandër Pallas. E pyetur nëse bëhet fjalë për sulmuesit apo personat e sulmuar, ajo tha se një pjesë e tyre ngarkohen me veprën penale shkaktim i rrezikut publik.
