Gjashtë milionë denarë si mbështetje financiare për sanimin e pasojave nga tërmeti në Republikën e Shqipërisë do të ndajë Qeveria e Republikës së Maqedonisë së Veriut.
Kjo është vendosur sonte në seancën e Qeverisë, ndërsa si plotësim i ndihmës për Shqipërinë, drejt këtij vendi janë nisur edhe ekipe për shpëtim të përbëra nga 30 persona profesionistë, të cilët do të marrin pjesë në aksionet për shpëtimin dhe ndihmën e parë drejt qytetarëve në zonat e dëmtuara.
Në këtë ndihmë fillestare është kyçur edhe një ekip i veçantë me mekanizim, i cili do të angazhohet në aksionet e koordinuara për shpëtim.
