Sot rreth orës 04 e 35 minuta në SPB-Tetovë, është denoncuar zjarr në një barakë të improvizuar prej druri, e cila gjendet në rrugën ,,Lubo Bozhinovski,, në afërsi të sallës sportive në Tetovë transmeton Tetova sot.
Nga zjarri sipas policisë është djegur tërësisht baraka, kurse nën djegurinat është gjetur i karbonizuar trupi i pajetë i një mashkulli.
Prokurori publik, ekipi nga SPB Tetovë dhe mjeku ligjorë, kanë kryer inspektimet komplete në vendin e ngjarjes, kurse me urdhër të prokurorit publik, trupi i pajetë është dorëzuar për identifikim dhe autopsi në Institutin për mjekësi ligjore në Shkup.
