Kapaciteti për përkujdesje në kopshtin “Kalinka” në lagjen Hekuranë të Shkupit është zgjeruar për shtatëdhjetë fëmijë të rinj përmes rikonstruimit dhe sendërtimit të objektit të përhershëm.
“Në këtë mënyrë prindërit nuk do të presin me muaj për t’i regjistruar fëmijët e tyre në kopsht. Kopshti është rikonstruuar tërësisht dhe është zgjeruar për tre grupe minimale dhe një grup të fëmijëve të vegjël. Me këtë janë hapur 70 vende të reja të lira. Ato janë plotësisht të rregulluara dhe të pajisuara për t’i kënaqur nevojat para së gjithash të fëmijëve, por edhe të personelit i cili punon këtu”, ka thënë kryetari i komunës së Gazi Babës, Borçe Georgievski.
Ai informoi se zgjerimi është realizuar në bashkëpunim me Ministrinë e Punës dhe Politikës Sociale e cila ka kryer aktivitete ndërtimore dhe e ka pajisur objektin, ndërsa komuna e ka ndërruar kulmin dhe rregullimin e brendshëm.
