Në afërsi të Teatrit shqiptar dhe Bit Pazarit në Shkup, ka ndodhur një incident i armatosur.
Sipas informacioneve të para të Europort.mk një person ka mbetur i plagosur i cili mësohet të ketë qenë punonjës i Higjienës Komunale.
Një grup hajnash janë futur në një dyqan në afërsi të tregut, ndërkohë punëtori i NP “Higjiena Komunale” ka reaguar. Më pas hajnat kanë ikur nga vendi dhe gjatë largimit njëri prej tyre ka nxjerrë armën dhe ka shtënë drejt punëtorit të cilin e ka plagosur në këmbë.
Personi i cili ka gjuajtur është ende në arrati, ndërsa personat e tjerë të grupit janë zbuluar dhe arrestuar nga forcat e rendit./Europort.mk/
