Ndjehet e respektuar, nuk i mohon thashethemet në opinion, por fillimisht dëshiron ta përmbyll mandatin e kryetares së Komunës së Tetovës. Kështu e ka komentuar e para e këtij qyteti, Teuta Arifi, lajmin e ditëve më parë duke lënë hapur mundësinë që pas mandatit edhe të emërohet ambasadore në SHBA, transmeton Europort.mk.
Lakimin e emrit të saj si kandidate e mundshme për ambasadore në SHBA, Arifi e ka konsideruar si respekt shumë të madh megjithatë, kjo tho se mund të bisedohet vetëm pas kryerjes së mandatit të saj si kryetare e Komunës së Tetovës.
Obligimi që i është dhënë nga qytetarët e Tetovës thotë se për të është në vijë të parë dhe fillimisht koncentrimi i saj është pikërisht tek ky mandat. Nuk e përjashton mundësinë e pranimit të kësaj detyre si ambasadore e SHBA-ve, pasi tho se është edhe orientimi i saj politik. Por fillimisht, Arifi, tho se duhet të përfundohet obligimi i marrë nga qytetarët e Tetovës.
Mediat në vend ditë më parë duke u thirur në burime të ndryshme brenda Qeverisë, shkruanin se në njërën nga mbledhjet e ekzekutivit, është përmendur emri i Teauta Arifit, si kandidate e mundshme për ambasadore në Uashington. Kryeministri Zoran Zaev duke u përgjigjur në seancë parlamentare për ndaj pyetjes së deputetit Antonio Milloshovski, nga katër emra që ju përmendën si kandidat për ambasadorë në katër shtete, tha se për dy prej tyre ka dëgjuar se janë përmendur në Qeveri. Por ai nuk saktësoi nëse Arifi bën pjesë në këtë grup apo në dy emrat që nuk janë përmendur. (A.Z.)
