Me qëllim të rritjes së sipërfaqeve me hapsira të gjelbërta, hapsirave për rekreacion dhe argëtim të qytetarëve të të gjitha grupmoshave, Komuna e Çairit ka promovuar sot investimet e reja në parkun e Fushë Topanës. “Parqe të rregulluara për lagje më të bukura në Çair. Korsi të reja për qarkullimin e qytetarëve në parkun e madh të lagjes Fushë Topanë. Ekipi i punës sapo përfundoi me rregullimin e korsive të reja për qarkullimin e qytetarëve në parkun e madh të lagjes Fushë Topanë. U përkujdesëm që të ketë edhe ulëse të reja dhe shporta për mbeturina. Kështu do të mbrojmë hapësirën e gjelbërt dhe do të mundësojmë qytetarët të shijojnë sa më mirë pamjen e bukur. Ky park po fiton pamje të re dhe do të jetë atraksion i vërtetë që do të zbukurojë ditën e çdo qytetari”, thuhet në njoftimin e Komunës së Çairit.
